MOSCHINO [tv] H&M 早前舉行咗活力四射嘅時裝表演及慶功派對，出席嘉賓包括 Paris Jackson、Frances Bean Cobain、Miles Richie 及 Yolanda Hadid。H&M 與 MOSCHINO創意總監 Jeremy Scott 邀請一眾名人、國際時裝雜誌編輯同埋喺業界別具影響力嘅人士觀賞一場由廣告招牌佈置照亮全場、璀璨有如紐約時代廣場嘅時裝表演。

超級模特兒 Hadid 三姐弟演繹 MOSCHINO [tv] H&M 設計師聯乘系列作品，並由傳奇超模 Naomi Campbell為時裝秀閉幕。喺前排觀賞嘅嘉賓，包括演員 Kiersey Clemons、Coco Rocha 和 Bebe Rexha 都着上系列造型出席，設計師好友 Marc Jacob 亦現身慶祝此時尚盛會。

模特兒由一條街旁後樓梯出場，走上時裝天橋，令人聯想起舊式紐約音樂劇。佢地之後走到同樣係一片街頭風景嘅時裝天橋上──正係 Jeremy 喜歡欣賞人們喺街頭穿上他的設計。

MOSCHINO 創意總監 Jeremy Scott 表示MOSCHINO [tv] H&M 設計師聯乘系列係佢送俾擁躉嘅禮物，佢想為大家送上歷來最具 MOSCHINO 本色嘅系列。佢嘗試加入大家預期喺佢嘅時裝表演上見到嘅所有元素──卡通高級時裝混合街頭服風格，大量 hip-hop 級數嘅耀眼閃閃元素，創造正宗嘅 MOSCHINO 造型。

H&M 創意顧問 Ann-Sofie Johansson 表示佢地好享受喺 MOSCHINO [tv] H&M 表演上走入 Jeremy嘅 MOSCHINO 世界。系列捕捉咗樂觀嘅態度、幽默感及喜悅，喺每一件作品中都可感受到。

MOSCHINO [tv] H&M 表演嘅化妝由全球首屈一指嘅傳奇化妝師 Pat McGrath 主理，佢利用 H&M Beauty 產品創作造型。 妝容與本系列相呼應，彩妝以搶眼華麗且鮮明嘅上揚眼線為眼妝重點，搭配無暇發光嘅底妝。

Jeremy 鞠躬謝幕後，榮獲葛萊美獎嘅金牌製作人 Diplo 馬上喺由廣告牌包圍嘅時裝天橋梯級出場，準備開始派對。與此同時，MOSCHINO [tv] H&M 獨家限定店亦開幕，等嘉賓可以即場購得系列中嘅心頭好。

大會整晚邀請嘉賓走入 MOSCHINO [tv] H&M 設計師聯乘系列嘅世界，推出擴增實境時裝體驗。嘉賓頭戴印有H&MOSCHINO 標誌嘅 Magic Leap One 裝置，走入一部巨型電視機，以嶄新方式體驗呢個聯乘系列。場內所有科技均由 Warpin Media 創製。

MOSCHINO [tv] H&M 係一個以流行文化、華美魅力、貪玩趣味及幽默感與街頭活力互相碰撞產生嘅系列。MOSCHINO 創意 總監 Jeremy Scott 創作出男裝及女裝系列與配 飾，以及為狗隻而設 嘅特別作品。MOSCHINO [tv] H&M 將會喺 11 月 8 日喺全球指定 H&M 門店及網上商店推出。